Монгол Улсын Засгийн газрын 2021 оны 118 дугаар тогтоол, Улсын Онцгой комиссын даргын 2021 оны 41 дүгээр тушаалаар батлагдсан “Коронавируст халдвар (Ковид-19)-аас сэргийлэх арга хэмжээг зохион байгуулах түр журам”, аймгийн Засаг даргын баталсан 2021 оны 06 дугаар сарын 17-ны А/309, Мөрөн сумын ЗД-ын 2021 оны 06 дугаар сарын 17-ны өдрийн А/111 тоот захирамжийн хэрэгжилт, түр журмын тусгай нөхцөл, шаардлагыг хангуулахаар 2021 оны 06 дугаар сарын 18,19-ний өдрүүдэд 23 аж ахуйн нэгж байгууллага, иргэнийг хамруулан хяналт шалгалтыг хийж гүйцэтгэлээ.Үүнд:
- Хүнсний худалдаа-4
- Нийтийн хоол үйлдвэрлэл, хүргэлтийн үйлчилгээ-9
- Хүнсний бус бараа бүтээгдэхүүний зах, худалдааны төв-8
- Зочид буудал- 1
- Үсчин-1 нийт 23 обьект хамрагдлаа.
1.1 Шалгалтаар авсан арга хэмжээ:
Хөвсгөл аймагт коронавирусын халдвар нэмэгдэж байгаатай холбогдуулан зохион байгуулалтын арга хэмжээ авсан 2021 оны 06 дугаар сарын 17-ны өдрийн А/309 тоот захирамжийг танилцуулж хэрэгжилтийг хангаж ажиллах талаар мэргэжил арга зүйн удирдлагаар хангаж ажилласан. Тавигдаж байгаа шаардлагыг хангаагүй, үйл ажиллагаа нь хязгаарлагдсан 1 обьектийн үйл ажиллагааг газар дээр нь зогсоосон.
Мөн Мэргэжлийн хяналтын газраас захирамжийн хэрэгжилт хангуулах ажлын хүрээнд мэдэгдэл хүргүүлж үйл ажиллагаа явуулж байгаа иргэн, аж ахуйн нэгжийн ажлын байранд байршуулсан.
Мэдэгдэл: 34
1.2 Шалгалтын явцад илэрсэн зөрчил, халдвар хамгааллын дэглэм мөрдүүлээгүй байдал
- QR кодыг байршуулж үйлчлүүлэгчдийг бүртгээгүй–3
- Ажилтан, үйлчлүүлэгчдийн биеийн халууныг хэмжээгүй–5
- Худалдааны газрууд үйлчлүүлэгчийн хөдөлгөөнийг нэг чигийн урсгалтай байхаар зохион байгуулж, чиглүүлэгч бүхий тэмдэг тэмдэглэгээ хийгээгүй–8
- Үйлчилгээний ажилчид дархлаажуулалтын 2 тунд бүрэн хамрагдаагүй, өвчлөөд эдгэрсэн талаар Эрүүл мэндийн байгууллагын магадлагаагүй–3
- Үйлчилгээний газрын ажилчдад зориулсан ахуй хангамжийн өрөөгөөр хангаагүй /хооллох, хувцасаа солих/-13
- Хүн хоорондын зай барих тэмдэг тэмдэглэгээ, хаалт байршуулаагүй–4
- Ажилтнуудад зориулсан гар угаах нөхцөлийг бүрдүүлээгүй, ариун цэврийн өрөөгүй–7
- Үйлчлүүлэгчдэд гар угаах нөхцөл бүрдүүлээгүй, үнэ төлбөргүй үйлчлэх ариун цэврийн өрөөгүй–6
- Халдвараас сэргийлэх зөвлөмжийг шаардлагатай цэг хэсэгт байршуулж, мэдээлэх үйл ажиллагааг зохион байгуулаагүй–3
- Агаар сэлгэлт хийх боломжгүй, механик агаар сэлгэлтийн төхөөрөмж ажиллагаагүй–7
- Ажлын байр, тээврийн хэрэгсэл, багаж тоног төхөөрөмжид угаалга, цэвэрлэгээ, халдваргүйжүүлэлтийг 2 цаг тутамд хийгээгүй–4
- Ажиллагсад халдвар хамгааллын хэрэгсэлгүй ажиллаж байсан /Амны хаалт, нэг удаагийн бээлий, нүүрний хамгаалалт/-1
- Ажиллагсдад зориулсан ХХХ, халдваргүйтгэлийн бодисын 5–аас доошгүй хоногийн нөөцийг бүрдүүлээгүй–2
- Сэжигтэй тохиолдлыг түр тусгаарлах шаардлага хангасан өрөөг бэлтгээгүй–18
- Төлбөр, тооцоог карт, цахимаар хийх нөхцөл бүрдүүлээгүй–2
- Хүний бөөгнөрөл үүсгэхгүй байхаар урьдчилан захиалга авч үйлчлэх нөхцөл бүрдүүлээгүй-8
Давхардсан тоогоор нийт 94 зөрчил илрүүлж газар дээр нь 21 % арилгуулж мэргэжил арга зүйн зөвлөгөө өгч ажиллаа.
