БАЯР НААДМЫН ҮЕЭР 243 УЛСЫН БАЙЦААГЧ ХЯНАЛТ ШАЛГАЛТ ХИЙЖ АЖИЛЛАНА

July 1, 2022 65
Тулгар төр байгуулагдсаны 2230, 2231, Их Монгол Улсын 815, 816 жил, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадам, Налайх, Багануур дүүргийн баяр наадмын үеэр тус тус худалдаа, үйлчилгээ эрхлэх аж ахуйн нэгж, иргэдийн үйл ажиллагаанд НМХГ-аас давхардсан тоогоор нийт 243 улсын /ахлах/ байцаагч, албан хаагчид хяналт, шалгалт тавьж ажиллах бөгөөд баярын болон үргэлжилсэн амралтын нийт 9 хоногийн хугацаанд болзошгүй хоолны хордлогот халдвар, барилга, дэд бүтэц, хөдөлмөрийн аюулгүй байдалтай холбоотой шуурхай мэдээллийн дагуу ажиллах улсын /ахлах/ байцаагчдын ажиллах хуваарийг батлаж, Төв болон Налайх, Багануур дүүрэг дэх Мэргэжлийн хяналтын хэлтсүүдийн ажлын байранд 24 цагаар Шуурхай алба, ерөнхий болон хариуцлагатай жижүүр, Шуурхай албаны жижүүр ажиллана.
НМХГ-ын даргын баталсан төлөвлөгөөний дагуу Баяр наадмын бэлтгэл ажлыг хангах хүрээнд Төв Цэнгэлдэх, Хүй долоо худагт байрлах худгын ундны усны чанар, аюулгүй байдалд шинжилгээтэй хяналт хийж, худалдаа, үйлчилгээ эрхлэх зөвшөөрөл олгогдож мандат авсан аж ахуйн нэгжүүдэд дүүргийн Засаг даргын Тамгийн газрын Хүнс, худалдаа, үйлчилгээний хэлтэстэй хамтран 2022 оны 07 дугаар сарын 07-ны өдөр сургалт зохион байгуулж анхаарах болон тавигдах эрүүл ахуйн нөхцөл, шаардлагын талаар зөвлөгөө өгч, НМХГ-аас худалдаа, үйлчилгээнд анхаарах болон хориглосон асуудлыг нэг бүрчлэн тусгасан эрүүл ахуйн нөхцөл, шаардлагын талаар хэвлэмэл “Зөвлөмж” тарааж ажиллана.
Төв Цэнгэлдэх хүрээлэн, Хүй долоо худагт явуулын болон түр лабораторит зарим нэрийн хүнсний бүтээгдэхүүн, ундны усанд итгэмжлэлийн хүрээндээ химийн зарим үзүүлэлтүүдийг газар дээр нь шинжилгээ хийхээр бэлтгэсэн.
Иргэдэдээ анхааруулахад баяр наадмын үеэр зөвшөөрөлгүйгээр худалдаа, үйлчилгээ эрхлэхийг хориглох бөгөөд наадамчин та бүхэн зөвшөөрөлтэй байршилд, зөвшөөрөлтэй үйл ажилагаа эрхлэж буй газраар үйлчлүүлж, өөрийн болон гэр бүлээ хоол хүнсээр дамжих хордлогот халдвар болон халдварт өвчинд өртөх эрсдэлээс сэргийлэхийг мэргэжлийн хяналтын байгууллагаас зөвлөж байна.
НМХГ-ЫН ШУУРХАЙ АЛБАНЫ УТАС 70128012
ХОТОЛ ОЛНООРОО САЙХАН НААДААРАЙ

Холбоотой мэдээ

АЖЛЫН БАЙРАНД ЦАЦРАГИЙН ХЭМЖИЛТ ХИЙЛЭЭ

Удвал дент ХХК-ийн ирүүлсэн хүсэлтийн дагуу Мэргэжлийн Хяналтын ерөнхий газрын даргын баталсан удирд

August 15, 2022

“ТАВАН БОГД ФҮҮДС” ХХК-ИЙН “KFC СМАРТ” САЛБАРЫН ҮЙЛ АЖИЛЛАГААНД ХЯНАЛТ ШАЛГАЛТ ХИЙЛЭЭ

Олон нийтийн мэдээллийн хэрэгслээр Баянгол дүүргийн 19 дүгээр хороо, “Смарт” худалдааны тө

August 15, 2022

© 2022 НИЙСЛЭЛИЙН МЭРГЭЖЛИЙН ХЯНАЛТЫН ГАЗАР. Бүх эрх хуулиар хамгаалагдсан.