Мэргэжлийн хяналтын ерөнхий газрын 2022 оны 01/33 тоот удирдамжийн хүрээнд Жаргалант сумын Залуус хорооллын хоёрдугаар ээлжийн 30 айлын орон сууц, Булган сумын нэгдүгээр сургуулийн хичээлийн байр, дотуур байр, нэгдүгээр цэцэрлэг, Эрдэнэбүрэн сумын 12 жилийн дунд сургууль, цэцэрлэгт RAD7 багажаар орон байрны агаар дахь Радоны хэмжилт хийж, тандалт судалгаа явууллаа.
Тандалт судалгаагаар аймгийн Ерөнхий боловсролын дунд сургууль, цэцэрлэгийн барилга байгууламжийн өрөө тасалгаа, танхимын агаар дахь радоны хуримтлалын хэмжээг тодорхойлж, хүрээлэн буй орчин болон хүн ам, хүүхдийн эрүүл мэндэд цацрагийн сөрөг нөлөөлөл үзүүлж байгаа эсэхийг тогтоох ач холбогдолтой юм.
