Урьдчилан сэргийлэх шалгалтын явцад хадгалах хугацаа хэтэрсэн, чанарын баталгаажилтгүй, гарал үүсэл тодорхойгүй, хадгалалтын горим мөрдөөгүй зөрчил нийтлэг байна

2022-12-23 325

Мэргэжлийн хяналтын байгууллагаас шинэ жилийн баяртай холбогдуулан урьдчилан сэргийлэх шалгалтыг хийж байна. Шалгалтын явцад хүнсний бүтээгдэхүүний гарал үүсэл тодорхойгүй, хадгалах хугацаа хэтэрсэн, чанар аюулгүй байдлын баталгаажилт хангалтгүй, хадгалалтын горим, нөхцөл шаардлагыг мөрдөөгүй, зориулалтын сав баглаа боодолд тавигдах шаардлага хангаагүй, буруу шошголсон хүнс худалдаалсан зөрчлүүд нийтлэг илэрчээ.

Улмаар хүнсний чанар, аюулгүй байдлын шаардлага хангаагүй 251 нэр төрлийн хүнсний бүтээгдэхүүнийг хураан авч устгалын комисст шилжүүлэн, хаяг шошгын зөрчилтэй 52 нэр төрлийн хүнсний бүтээгдэхүүнийг худалдаанаас буцаан татуулаад байна.

Урьдчилан сэргийлэх шалгалтад 815 хүнсний чиглэлийн үйл ажиллагаа эрхлэгчийг хамруулж  илэрсэн зөрчил, дутагдлын 58.5 хувийг газар дээр нь арилгуулж, 974 зөвлөмж хүргүүлжээ. Мөн хүнсний аюулгүй байдлыг хангуулж ажиллах, хоол хүнснээс шалтгаалсан болзошгүй хордлого, халдвараас урьдчилан сэргийлэх зорилгоор 566 хүнсний үйлдвэрлэл, худалдаа, хоол үйлдвэрлэл, үйлчилгээний газар, худалдаа үйлчилгээ эрхлэгч 1070 иргэнд мэргэжил арга зүйн зөвлөгөө өглөө.

Холбоотой мэдээ

Урьдчилан сэргийлэх шалгалтын явцад хадгалах хугацаа хэтэрсэн, чанарын баталгаажилтгүй, гарал үүсэл тодорхойгүй, хадгалалтын горим мөрдөөгүй зөрчил нийтлэг байна

Мэргэжлийн хяналтын байгууллагаас шинэ жилийн баяртай холбогдуулан урьдчилан сэргийлэх шалгалтыг хий

2022-12-23

Арвайхээр – Хүйтний хөндий чиглэлийн 57.6 км авто замын шинэчлэлийн ажилд хяналт тавилаа

Зам тээврийн яам, Мэргэжлийн хяналтын ерөнхий газар, төрийн байгууллагуудын холбогдох албан тушаалтн

2022-12-01

Сургууль, цэцэрлэг орчмын хүнсний худалдааны газруудаас илэрсэн зөрчлийн 73 хувийг газар дээр нь арилгууллаа

Нийслэлийн 9 дүүргийн Ерөнхий боловсролын сургууль, цэцэрлэгийн ойр орчмын хүнсний худалдааны газруу

2022-09-14

© 2023 Мэргэжлийн хяналтын ерөнхий газар. Бүх эрх хуулиар хамгаалагдсан.