Дэд бүтцийн хяналтын 150 улсын байцаагчийг сургалтад хамруулж байна

2022-10-28 1579

Мэргэжлийн хяналтын ерөнхий газар Дотоод хэргийн их сургуультай хамтран “Дэд бүтцийн хяналтын улсын байцаагчдын нэгдсэн сургалт”-ыг зохион байгуулж байна.

Мэргэжлийн хяналтын ерөнхий газрын дарга, Улсын ерөнхий байцаагч Б.Баасандорж сургалтыг нээж хэлсэн үгэндээ, дэд бүтцийн хяналт нь чухал салбар гэдгийг онцлоод  “Шинэ сэргэлтийн бодлого”-ын хүрээнд Төрийн хяналт шалгалтын чиглэлээр хийж буй хууль эрх зүйн өөрчлөлт шинэчлэлийн талаар товч мэдээлэл өгсөн юм.

Гурван өдөр үргэлжлэх сургалтад нийслэл, орон нутгийн 150 улсын байцаагчийг хамруулан, тэднийг мэргэшүүлэх, чадавхижуулах, тулгамдаж байгаа асуудлаар санал солилцох, туршлага судлах, мэргэжил арга зүйн туслалцаа үзүүлэхэд зорилгоо чиглүүлж буй.

Улсын байцаагчид танхимын сургалтаас гадна “Чингис хаан” музей, Г.Занабазарын нэрэмжит Дүрслэх урлагийн музейн барилга байгууламж, “Эм Си Эс кока кола” үйлдвэр дэх зуух даралтат сав, ЦДАШ, дэд станц, хийн тоног төхөөрөмж,  ШУТИС-МИС-ийн лифт сургалтын төв,  “Хьюндэй элеватор Монгол” ХХК-ийн өргөх байгууламж, “Улаанбаатар цахилгаан түгээх” ТӨХК-ийн авто бааз, “Үндэсний дата төв”-ийн тоног төхөөрөмж,  “Юнивишн” ХХК-ийн сансрын холбооны газрын станц, “Улаанбаатар дулааны сүлжээ” ТӨХК-ийн дулааны тоолуурын лаборатори, “Чингис хаан” олон улсын буудлын чиглэлийн автозам зэрэг томоохон барилга, байгууламжийн ашиглалт, үйл ажиллагаатай танилцаж, үзүүлэх сургалт хийж байна.

Холбоотой мэдээ

Дэд бүтцийн хяналтын 150 улсын байцаагчийг сургалтад хамруулж байна

Мэргэжлийн хяналтын ерөнхий газар Дотоод хэргийн их сургуультай хамтран “Дэд бүтцийн хяналтын улсын

2022-10-28

Мэргэжлийн хяналтын байгууллагын үйл ажиллагаа хэвийн үргэлжилж байна

“Мэргэжлийн хяналтын байгууллагыг татан буулгалаа” гэсэн мэдээлэл зарим сайт, олон нийтийн сүлжээгээ

2022-10-19

Сургуулийн орчинд хадгалах болон хэрэглэх хугацаа хэтэрсэн хүнсний бүтээгдэхүүн худалдаалсан 215 зөрчлийг арилгууллаа

Мэргэжлийн хяналтын байгууллагаас сургуулийн орчинд худалдаалагдаж буй хүнсний бүтээгдэхүүний чанар,

2022-09-26

© 2022 Мэргэжлийн хяналтын ерөнхий газар. Бүх эрх хуулиар хамгаалагдсан.